(বজ্ৰাঙ্গ দাস)
কান্দিবানে তুমি ?
মোৰ মৃত্যুৰ বাতৰি শুনি
কোনোৱে নজনাকৈ
সেমেকি উঠিবনে নয়নজুৰি ?
অতদিনে সাঁচি ৰখা
অতীতৰ স্মৃতিক
মোৰ চিতাৰ উত্তাপে
জ্বলাবনে ঊমি ঊমি ?
হৃদয়ত মৰহি যোৱা
হত আশাৰ জোৱাৰক
পাৰিবানে বান্ধিব
বাস্তৱৰ হেঙাৰ দি ?
গুপুতে জীয়াই ৰখা
অৰ্ধ ব্যক্ত অনুভূতি
কেতিয়াও যে খুলি
কব নোৱাৰিবা তুমি...
কান্দিবানে ?
মোৰ মৃত্যুৰ বাতৰি শুনি...
কবিতা
সৰু থাকোতেই লিখিব চেষ্টা কৰিছিলো... বিগত দিনৰ বিভিন্ন সুখ-দূখ, প্ৰেম-বিৰহৰ অনূভুতি তথা পৰিবেশ-সমাজৰ চাপ থকা কিছুমান লেখা আগবঢ়ালো | ভূলবোৰ আঙুলীয়াই দিব অনুৰোধ কৰিলো |
Tuesday, April 30, 2019
Wednesday, August 3, 2016
প্ৰেমৰ মন্ত্ৰ
(বজ্ৰাঙ্গ দাস)
আজিও
হৃদয়ত
জীপাল
হৈ আছে
তুমি
শিকোৱা
প্ৰেমৰ
মন্ত্ৰ ||
যেতিয়াই
অন্তৰখনে
হাহাকাৰ
কৰি উঠে
প্ৰতিধ্বনিত
হয়
এক
কৰুণ চিত্কাৰ |
ভাঁহি
আহে
তোমাৰ
সেই
বাস্তৱবাদী
মন্ত্ৰ
"Be Practical" !!
Wednesday, July 13, 2016
মই অকবি
(বজ্ৰাঙ্গ দাস)
(নোৱাৰো কবিতাৰ আঁৰ লৈ)
কবিতা লিখাটো হেৰা বেয়া কথা বৰ
কদাপি নহয় ই কথা ১৮৮০০ জনৰ |
১৮৮০০ জনৰ এজন যিয়ে হয়
অকবিতা লিখি থয় |
২০০ৰ এজন হ’ব কিয় নোৱাৰো বুলিবা
অকবি হৈ কিয় জীয়াই থাকিবা |
ভাল নাম পাবলৈ যদি কৰা মন
তেনেহ’লে নুবুলিবা নোৱাৰো বচন |
২০০ জনে পাৰে যিটো
তুমিও পাৰিবা সিটো |
হেনজানি সাহ কৰি প্ৰাণটাকি লিখা
অকবি হলেও তুমি বাৰে বাৰে লিখা |
Wednesday, May 18, 2016
শৈশৱৰ সপোন
(বজ্ৰাঙ্গ দাস)
এক নতুন হোৱাত্চাপ গ্ৰুপ
আমাৰ প্ৰাথমিক স্কুলৰ |
শৈশৱৰ স্মৃতি সজীৱ হৈ
হঠাত্ যেন বিচাৰি পালো
অতীত গহ্বৰত লুকাই পৰা
লৰালিৰ সময়বোৰ |
আৰু যে বিচাৰি পালো
মোৰ সপোনৰ
সিচঁৰিত কণ কণ টুকুৰা...
অনাতাঁৰত শুনা
কবিতা আবৃত্তিৰ সাঁচেৰে
গঢ় লৈ উঠা
মোৰ সপোনবোৰ
"মই হ’ম দেশভক্ত তৰুণৰাম..
মই হ’ম নেতাজী সুভাষ..
মই হ’ম কুশল কোঁৱৰ..
মই হ’ম ..." ইত্যাদি !!
Wednesday, May 4, 2016
তিতা-মিঠা #হেচ্টেগ#
(এমুঠি মাইক্ৰ’ কবিতা)
(বজ্ৰাঙ্গ দাস)
#সুখ-দুখ
সুখ বিচাৰি হাবাথুৰি খালো
দুখৰ ঠিকনাহে বাৰে বাৰে পালো
#পোহৰ-এন্ধাৰ
পোহৰ বিচাৰি বহু দৌৰিলো
নিজৰেই ছাঁৰ মাজত নিজক হেৰুৱালো
#সপোন-দিঠক
দিঠকৰ আৰে আৰে সপোনবোৰ জুমি চালো
সিচৰিত চূৰ্ণ টুকুৰাবোৰহে দেখা পালো
#আশা-হতাশা
আশাৰে আশাৰ বাট চালো
হত আশাৰ চকুলোৰে ধুই পেলালো
#প্ৰেম-বিৰহ
প্ৰেমৰ নামত জীৱন সপিলো
বিৰহ অগনিত জ্বলি-পুৰি মৰিলো
#তুমি-মই
মই যিমানেই তোমাৰ কাষত
তুমি সিমানেই মোৰ পৰা আঁতৰত
Tuesday, December 8, 2015
বিৰহ
(বজ্ৰাঙ্গ দাস)
যাৰ বিৰহ অগনিত জাহ গ’ল
যাৰ বিৰহ অগনিত জাহ গ’ল
জীৱনৰ অমূল্য বসন্তবোৰ...
দুৰ্বল হিয়া মোৰ স্পন্দনহীন হ’ল
যেতিয়া তেওঁ প্ৰশ্ন তুলিলে
প্ৰেমৰ অস্তিত্ব আৰু গভীৰতাত !!!
প্ৰেমৰ অস্তিত্ব আৰু গভীৰতাত !!!
Thursday, October 15, 2015
ফেচবুক প্ৰফাইল
(বজ্ৰাঙ্গ দাস)
হঠাত্ দেখিলো
তোমাৰ ফেচবুক প্ৰফাইল
হৃদয় স্পন্দনে জোকাৰি গৈছিল
স্মৃতিৰ কোঠালী..
ৰিণি ৰিণি গানৰ কাইটীয়া সুৰত
ওৰে নিশা আজি সেউজীয়া হব
হেৰুৱা সপোন সমাধি..
Subscribe to:
Posts (Atom)