প্ৰেমৰ মন্ত্ৰ

                          (বজ্ৰাঙ্গ দাস)

আজিও হৃদয়ত

জীপাল হৈ আছে

তুমি শিকোৱা

প্ৰেমৰ মন্ত্ৰ ||

যেতিয়াই অন্তৰখনে

হাহাকাৰ কৰি উঠে

প্ৰতিধ্বনিত হয়

এক কৰুণ চিত্‍কাৰ |

ভাঁহি আহে

তোমাৰ সেই

বাস্তৱবাদী মন্ত্ৰ

"Be Practical" !!

মই অকবি

                    (বজ্ৰাঙ্গ দাস)

(নোৱাৰো কবিতাৰ আঁৰ লৈ)

কবিতা লিখাটো হেৰা বেয়া কথা বৰ

কদাপি নহয় ই কথা ১৮৮০০ জনৰ |

১৮৮০০ জনৰ এজন যিয়ে হয়

অকবিতা লিখি থয় |

২০০ৰ এজন হ’ব কিয় নোৱাৰো বুলিবা

অকবি হৈ কিয় জীয়াই থাকিবা |

ভাল নাম পাবলৈ যদি কৰা মন

তেনেহ’লে নুবুলিবা নোৱাৰো বচন |

২০০ জনে পাৰে যিটো

তুমিও পাৰিবা সিটো |

হেনজানি সাহ কৰি প্ৰাণটাকি লিখা

অকবি হলেও তুমি বাৰে বাৰে লিখা |

শৈশৱৰ সপোন

                         (বজ্ৰাঙ্গ দাস)

এক নতুন হোৱাত্চাপ গ্ৰুপ

আমাৰ প্ৰাথমিক স্কুলৰ |

শৈশৱৰ স্মৃতি সজীৱ হৈ

হঠাত্‍ যেন বিচাৰি পালো

অতীত গহ্বৰত লুকাই পৰা

লৰালিৰ সময়বোৰ |

আৰু যে বিচাৰি পালো

মোৰ সপোনৰ

সিচঁৰিত কণ কণ টুকুৰা...

অনাতাঁৰত শুনা

কবিতা আবৃত্তিৰ সাঁচেৰে

গঢ় লৈ উঠা

মোৰ সপোনবোৰ

"ম‍ই হ’ম দেশভক্ত তৰুণৰাম..

ম‍ই হ’ম নেতাজী সুভাষ..

ম‍ই হ’ম কুশল কোঁৱৰ..

ম‍ই হ’ম ..." ইত্যাদি !!

তিতা-মিঠা #হেচ্‌টেগ#

(এমুঠি মাইক্ৰ’ কবিতা)

                         (বজ্ৰাঙ্গ দাস)

#সুখ-দুখ

সুখ বিচাৰি হাবাথুৰি খালো

দুখৰ ঠিকনাহে বাৰে বাৰে পালো

#পোহৰ-এন্ধাৰ

পোহৰ বিচাৰি বহু দৌৰিলো

নিজৰেই ছাঁৰ মাজত নিজক হেৰুৱালো

#সপোন-দিঠক

দিঠকৰ আৰে আৰে সপোনবোৰ জুমি চালো

সিচৰিত চূৰ্ণ টুকুৰাবোৰহে দেখা পালো

#আশা-হতাশা

আশাৰে আশাৰ বাট চালো

হত আশাৰ চকুলোৰে ধুই পেলালো

#প্ৰেম-বিৰহ

প্ৰেমৰ নামত জীৱন সপিলো

বিৰহ অগনিত জ্বলি-পুৰি মৰিলো

#তুমি-মই

মই যিমানেই তোমাৰ কাষত

তুমি সিমানেই মোৰ পৰা আঁতৰত